55
என்ன உலகமடா?
- தேமலர்ச் சோலைதனில் - ஒருநாள்
சென்று புகுந்திருந்தேன்
மாமரக் கூட்டமங்கே - பூத்து
மாமணம் வீசியதே தென்றல் உலாவரலால் - இனிமை
தேடி வரவுங்கண்டேன்
ஒன்றிய நல்லமைதி - நெஞ்சில்
ஓங்கிட நின்றிருந்தேன் எங்கிருந் தோஇனிய - குரலொன்
றென்னைக் கவர்ந்ததுவே
அங்கிருந் தேகினன்நான் - குரல்வரும்
அந்தத் திசைவழியே கன்னங் கரியஉடல் - எழிலைக்
காட்டும் சிவந்தகண்கள்
மின்னும் அழகினையே - கண்டு
மெய்மறந் தங்குநின்றேன் கன்னங் கருநிறந்தான் - எனினும்
காதலிற் சிக்கிவிட்டேன்
இன்னும்நீ பாடிடுவாய் - என்னை
இன்பத்தில் ஆழ்த்திடுவாய் |