சொல்	அருஞ்சொற்பொருள்
திருமரம்	அரசமரம் .
திருமலர்	திருமகள் வீற்றிருக்கும் தாமரைமலர் .
திருமலை	தூய்மையான மலை ; கயிலாயமலை ; திருவேங்கடமலை .
திருமறுமார்பன்	அருகன் ; மார்பில் அழகிய மறுவையுடைய திருமால் .
திருமாது	திருமகள் .
திருமாமகள்	திருமகள் .
திருமாமணிமண்டபம்	பரமபதத்துள்ள திருவோலக்க மண்டபம் .
திருமால்	விட்டுணு ; அரசன் .
திருமால்குன்றம்	அழகர்மலை .
திருமால்கொப்பூழ்	திருமாலின் கொப்பூழிலிருந்து உண்டான தாமரை .
திருமால்நிலை	திருமாலின் பரம் , வியூகம் , விபவம் , அந்தர்யாமித்துவம் , அர்ச்சை என்னும் ஐவகை வடிவங்கள் .
திருமால்புதல்வன்	திருமாலின் மகனான மன்மதன் ; பிரமன் .
திருமாலவதாரம்	மீன் , ஆமை , பன்றி , நரசிங்கம் , வாமனம் , பரசுராமன் , இராமன் , பலராமன் , கண்ணன் , கற்கி என்னும் திருமாலின் பத்துப் பிறப்புகள் ; சனகன் , சனந்தனன் , சனாதனன் , சனற்குமாரன் , நரநாராயணன் , கபிலன் , இடபன் , நாரதன் , அயக்கிரீவன் , தத்தாதிரேயன் , மோகினி , வேள்வியின்பதி , வியாதன் , தன்வந்திரி , புத்தன் எனப் பதினைந்து கூறுகளையுடைய பிறப்புகள் .
திருமாலாயுதம்	திருமாலின் ஐம்படைகளான பாஞ்சசன்னியம் என்னும் சங்கு , சுதரிசனம் என்னும் சக்கரம் , சார்ங்கம் என்னும் வில் , நாந்தகம் என்னும் வாள் கௌமோதகி என்னும் தண்டு .
திருமாலிருஞ்சோலை	காண்க : அழகர்மலை .
திருமாளிகை	கோயில்மதிலை ஒட்டி உட்புறத்து அமைத்துள்ள கட்டட வரிசை ; பெரியோர் வாழும் இல்லம் .
திருமானகரம்	காண்க : திருநாடு .
திருமுகம்	கடவுள் சன்னிதானம் ; பெரியோர் வரைந்து அனுப்பும் ஓலை ; அரசனது சாசனம் .
திருமுட்டு	பூசைத்தட்டு முதலியன .
திருமுடி	கோயில்மூர்த்தியின் தலைப்பகுதி ; மதிப்புவாய்ந்த மக்கள் ; கொத்துவேலை செய்வோர் .
திருமுடிச்சாத்து	தலைப்பாகை .
திருமுடிச்சேவகர்	ஐயனார் .
திருமுடித்திலகம்	திருமுடியில் சூட்டும் மணி .
திருமுடியோன்	முடிசூடிய அரசன் .
திருமுண்டம்	சைவர்கள் மூன்று வரியாக நெற்றியில் இடும் திருநீற்றுக்குறி .
திருமுதல்	திரும்புதல் ; நன்றாகத் தேய்த்தல் .
திருமுழுக்கு	காண்க : திருமஞ்சனம் ; மார்கழி மாதத்தில் பாவைநோன்புகொண்டு மகளிர் முழுகும் நீராட்டு .
திருமுளைப்பாலிகை	திருமணம் முதலிய சிறப்பு நிகழ்ச்சிகளில் தானிய முளை வளர்க்கப்பெறும் மண்குடுவை .
திருமுற்றத்தார்	கோயிற்பணி செய்வோர் .
திருமுற்றம்	கோயிற் சன்னிதானம் ; குதிரை வையாளிவீதி .
திருமுறை	இறைவனிடம் முறையிட்டுப் பாடும் தெய்வப்பாடல்கள் ; தேவாரம் , திருவாசகம் , திருவிசைப்பா , திருப்பல்லாண்டு , திருமந்திரம் , பதினோராந் திருமுறை , பெரியபுராணம் என்னும் சைவத் திருநூல்கள் ; இராமலிங்க அடிகள் பாடிய நூல்கள் .
திருமுன்	சன்னிதி ; சன்னிதியில் .
திருமுன்பு	சன்னிதி ; சன்னிதியில் .
திருமுன்னர்	சன்னிதி ; சன்னிதியில் .
திருமெய்க்காப்பு	கோயில் காப்போன் .
திருமெய்ப்பூச்சு	கோயில்மூர்த்தங்களின்மேல் பூசப்படும் மணப்பூச்சு ; புனுகு , களபம் முதலியன .
திருமெழுக்கு	சாணம் ; கோயிலிடத்தை மெழுகுகை .
திருமேற்பூச்சு	காண்க : திருமெய்ப்பூச்சு .
திருமேனி	கடவுள் , முனிவர் முதலியோரது தெய்வ உடல் ; சிலை ; பெண்கள் காதணி ; காண்க : குப்பைமேனி .
திருமேனிகாவல்	கோயிற்காவல் .
திருமேனியழகி	காண்க : குப்பைமேனி .
திருமை	அழகு .
திருமொழி	பெரியோர் சொல் ; ஆகமம் ; தருமம் ; நாலாயிரத் திவ்வியப் பிரபந்தத்துள் ஒன்றான பெரிய திருமொழி .
திருவகுப்பு	சந்தக் குழிப்பில் அமைந்த செய்யுள் வகை .
திருவட்டி	காண்க : திருகுகள்ளி .
திருவடி	சீபாதம் ; சுவாமி ; முனிவர் ; திருமாலின் பாதத்தில் இருக்கும் அனுமான் ; கருடன் ; திருவாங்கூர் அரசர் ; நோவில்லாத புண் ; கோமாளி விகடம் .
திருவடிக்கம்	திருமால்கோயிற் படிக்கத்தினின்று எடுத்து வழங்கும் சுவாமி தீர்த்தம் .
திருவடிசம்பந்தி	சீடன் .
திருவடித்தலம்	கடவுள் முதலியோர் பாதுகை .
திருவடிதீட்சை	சீடன் தலையில் குரு தன் பாதத்தை வைத்தருளும் தீட்சைவகை .
திருவடிதொழுதல்	கடவுள் முதலியோரை வணங்குதல் .
திருவடிநிலை	சிலை வைக்கும் மேடை ; கடவுளர் முதலியோர் மிதியடி .
திருவடிபிடிப்பான்	கோயில் அருச்சகன் .
திருவடையாளம்	சைவசமயத்திற்குரிய திருநீறு முதலிய சாதனங்கள் .
திருவணுக்கன்	திருவாயில் கருவறையை அடுத்துள்ள இடம் .
திருவணை	சேது .
திருவணைக்கரை	தனுக்கோடி .
திருவத்தவர்	செல்வம் படைத்த நல்வினையாளர் .
திருவத்தியயனம்	திவ்வியப் பிரபந்தம் ஓதுகை ; சிராத்தம் .
திருவந்திக்காப்பு	திருவிழாக் காலத்தில் சுவாமி புறப்பாட்டின் முடிவில் கண்ணேறு போகச் செய்யும் சடங்கு .
திருவம்பலம்	தென்னார்க்காட்டு மாவட்டத்திலுள்ள புகழ்வாய்ந்த சிவதலம் , சிதம்பரம் .
திருவமால்	திருமால் .
திருவமுது	நிவேதனவுணவு .
திருவரங்கு	கோயிலுள்ள முதன்மை மண்டபம் .
திருவலகிடுதல்	கோயிலைப் பெருக்கித் துப்புரவாக்கல் .
திருவலகு	கோயிலைப் பெருக்கும் துடைப்பம் .
திருவள்ளுவப்பயன்	திருவள்ளுவர் தந்த திருக்குறள் .
திருவளத்தான்	நகைச்சுவை நடிகன் , கோமாளி , விகடன் .
திருவறம்	மததருமம் ; சமண ஒழுக்கம் .
திருவன்	செல்வன் ; திருமால் ; விகடக்காரன் ; புரட்டன் ; ஒரு மீன்வகை .
திருவாக்கு	தெய்வப் பெரியோர்களின் வாய்மொழி .
திருவாங்குதல்	தாலி களைதல் .
திருவாசகம்	திவ்விய வாக்கு ; மாணிக்கவாசகர் அருளிய துதிநூல் .
திருவாசி	வாகனப் பிரபை ; ஒரு மாலை வகை .
திருவாசிகை	வாகனப் பிரபை ; ஒரு மாலை வகை .