ஹெலன் கெல்லர் (Helen Keller – 1880 – 1968)

தன்னம்பிக்கையுடன் வாழ்ந்து பல சாதனைகளைச் செய்தவர், ஹெலன் கெல்லர். இவர், அமெரிக்காவின் புகழ்பெற்ற எழுத்தாளர். இவர், தமது சிறுவயதிலேயே கண்பார்வையையும் கேட்கும் திறனையும் இழந்தார். இவருடைய ஆசிரியர் ஆன் சல்லிவன் இவரைக் கண்ணும்கருத்துமாகக் கவனித்துக் கொண்டார். ஆசிரியரின் சிறந்த அணுகுமுறை, ஹெலன் கெல்லரின் வாழ்வில் தன்னம்பிக்கையைத் தந்தது. பார்வை இல்லாதவர்களுக்கு உதவும் பிரெய்லி எழுத்து முறையைக் கற்றுக்கொண்டார். பார்வையற்றவருக்கான பள்ளியில் படித்தார். பின்னர் கல்லூரிப் படிப்பையும் முடித்தார். பார்வையிழந்த முதல் பட்டதாரிப் பெண் என்னும் பெருமையை இவர் பெற்றார். மேலும் இவர் தமது 14 புத்தகங்கள், கட்டுரைகள் மற்றும் சொற்பொழிவுகள் மூலம் தமக்கெனத் தனிமுத்திரையைப் பதித்தார்.

பொருள் அறிவோம்

விடை காண்போம்

1. ஹெலன் கெல்லரின் ஆசிரியர் யார்? 2. கண்ணும்கருத்துமாக என்பதன் பொருள் என்ன ? 3. ஹெலன் கெல்லரின் சிறப்பு யாது? 4.ஹெலன் கெல்லர் எதன் மூலம் தனி முத்திரை பதித்தார்? 5.ஹெலன் கெல்லரைப்போல் தன்னம்பிக்கை கொண்ட ஒருவரைப் பற்றிக் கூறுக. 6.பார்வையிழந்தவர்களுக்குப் பயன்படும் எழுத்து முறை யாது?