கல்வியே அழியாச்செல்வம்

கல்விக்கு எல்லை இல்லை. நம் வாழ்நாள் முழுவதும் தொடர்ந்து கற்கலாம். நம்மிடம் இருக்கும் பொருள்கள் எப்போதும் நிலையானவை அல்ல. அவை அழியக்கூடியவை. ஆனால், அழியாத செல்வமாக இருப்பது, கல்வியே ஆகும். உங்களது கல்விச்செல்வத்தை நீங்கள் அளவின்றிப் பிறர்க்கு வழங்கலாம். ஏனெனில், கல்விச்செல்வம் கொடுக்கக், கொடுக்கக் குறையாமல் வளரும். கற்றவர்களையே இவ்வுலகம் போற்றுகிறது. கற்றோர்க்குச் செல்லும் இடமெல்லாம் சிறப்பாக அமையும்.

பொருள் அறிவோம்

வினாக்கள்

1. கல்விச் செல்வத்தின் சிறப்பு யாது? 2. கற்றோர்க்குச் செல்லும் இடமெல்லாம் சிறப்பாக அமையக் காரணம் என்ன? 3. கல்விச்செல்வம் – பொருட்செல்வம் இவற்றுள் சிறந்தது எது? ஏன்? 4. கொடுக்கக், கொடுக்கக் குறையாமல் வளர்வது எது? 5. கற்றவர் – கல்லாதவர் – இவர்களுள் மதிக்கப்படுபவர் யார்? ஏன்?