வேளாண்மை

தொழில்களுள் முதன்மையானது உழவு. உலக மக்களுக்குத் தேவையான உணவுப் பயிர்களை விளைவிப்பதால் உழவுத் தொழிலே சிறந்தது. ‘உழவுத் தொழில் செய்யும் உழவன், உலகம் என்னும் தேருக்கு அச்சாணி‘ என்று திருவள்ளுவர் போற்றுகிறார். உழவுத்தொழிலுக்குக் கால்நடைகள் உதவுகின்றன. தொழில்நுட்ப வளர்ச்சியால், தற்போது இயந்திரங்களும் பயன்படுத்தப்படுகின்றன. இந்தியா, அமெரிக்கா, பிரேசில், இந்தோனேஷியா, சீனா போன்ற நாடுகள் உழவுத்தொழிலில் சிறந்துள்ளன. ஒரு நாட்டின் பொருளாதார வளர்ச்சிக்கு உழவுத்தொழிலும் உதவுகிறது.

வினாக்கள்

1. தொழில்களுள் முதன்மையான தொழில் எது? 2. உழவுத்தொழிலை ஏன் சிறந்ததாகக் கூறுகிறோம்? 3. ‘உலகம் என்னும் தேருக்கு அச்சாணி’ என யார், யாரைக் கூறுகிறார்? 4. உழவுத்தொழிலில் சிறந்துள்ள நாடுகள் எவை? 5. உழவுத்தொழில் செய்வதற்கு எவையெல்லாம் பயன்படுகின்றன?