பறையிசைக் கருவி

ஆல்வினுக்கு நெடுநாளாக இசைக்கருவி அருங்காட்சியகம் செல்ல வேண்டும் என்று ஆசை. இன்று காலை, அவன் அம்மா அங்குப் போகலாம் என்று சொன்னதும் மகிழ்ந்தான். இதற்குமுன் கணினியில் மட்டுமே பார்த்த அந்த இடத்தை, நேரில் பார்க்கப் போகிறோம் என்ற எண்ணமே மகிழ்ச்சியைத் தந்தது.

அவர்கள், அருங்காட்சியகத்தின் உள்ளே சென்றார்கள். அங்கு ஏராளமான இசைக்கருவிகள் இருந்தன. கண்கள் வியப்பில் விரிய, ஆல்வின் ஒவ்வொன்றையும் பார்த்துக்கொண்டே வந்தான். தோல் கருவிகள் இருக்கும் பகுதிக்குச் சென்றான். அங்கிருந்த கருவி ஒன்று அவனுக்கு மிகவும் பிடித்திருந்தது. அதை மெல்லத் தட்டினான். அதிலிருந்து ஒலி எழுந்தது. வியப்புடன் மீண்டும் தட்டினான். “யார் நீ?” என்ற குரல் கேட்டது. சற்றே அதிர்ந்து சுற்றிப் பார்த்தான். ஆம், ஒலி அக்கருவியிலிருந்துதான் வந்தது என்பதை உணர்ந்தான். அதனோடு பேசத் தொடங்கினான்.

பொருள் அறிவோம்