நிறுத்தக்குறிகள்

நிறுத்தக்குறிகளை நமக்கு அறிமுகம் செய்தவர்கள் ஐரோப்பியர்கள். மொழியில் தெளிவை உணர்த்த நிறுத்தக்குறியீடுகள் பயன்படுகின்றன. இவை, ஒரு தொடரின் பொருள் வேறுபாட்டை உணர்த்துவதற்கு அடிப்படையாகும். மொழியைத் தெளிவாகப் புரிந்துகொள்ள நிறுத்தக்குறிகள் துணை நிற்கின்றன.

உரைப்பகுதியில் நிறுத்தக்குறிகள்

பாரதியார்

பாரதியார் எட்டயபுரம் என்னும் ஊரில் 11-12-1882இல் பிறந்தார். இவர் தந்தையார் சின்னச்சாமி; தாயார் இலக்குமி அம்மையார். பாரதியார் நாடு, மொழி, சமுதாயம் பற்றி நூற்றுக்கணக்கான பாடல்களைப் பாடியுள்ளார். இவரை ‘மகாகவி‘ என்று நாம் போற்றுகிறோம். இவர் தம் 39ஆம் வயதில் (11-9-1921) இயற்கை எய்தினார்.

உரையாடலில் நிறுத்தக்குறிகள்