தமிழ் இணையக் கல்விக்கழகம்

பல சொல் ஒரு பொருள்

பின்வரும் உரையாடலில் வண்ணத்திலுள்ள சொற்கள் யாவும் பேசினார் என்னும் பொருளையே தருவதைப் படித்து மகிழுங்கள்

ஆசிரியர்	:	அனைவருக்கும் வணக்கம்!
மாணவர்கள்	:	வணக்கம் ஐயா
ஆசிரியர்	:	நேற்று கல்வி அமைச்சர் தொலைக்காட்சியில் பேசினார். அனைவரும் கேட்டீர்களா?
மாணவர்கள்	:	ஆம் ஐயா. கல்வித் தரத்தை உயர்த்துவது குறித்து அருமையாகக் கூறினார்.
ஆசிரியர்	:	மிக எளிமையாகவும் நன்கு புரிந்துகொள்ளும் படியும் எடுத்துச் சொன்னார்.
கண்மணி	:	நாள்தோறும் நூலகம் செல்லும் பழக்கம் வேண்டும் என்று கூடப் பகிர்ந்தார்.
குறளரசன்	:	உடற்பயிற்சிக்கு முதன்மை அளிக்கவேண்டும் என்று உரைத்தார்.
இனியன்	:	அதுமட்டுமா, மனப்பயிற்சிக்கும் இடம்தர வேண்டுமென இயம்பினார்.
ஆசிரியர்	:	ஆம். உடல், உள்ளம் இரண்டுமே நமது கண்கள் என்று விளம்பினார் அல்லவா!
செழியன்	:	நாள்தோறும் நூலகம் செல்லும் பழக்கம் வேண்டும் என்று கூடப் பகிர்ந்தார்.
ஆசிரியர்	:	அருமை! அருமை! அமைச்சர் நவின்ற கருத்துகளை அனைவரும் நன்கு புரிந்து கொண்டுள்ளீர்கள். அவற்றை நாமும் பின்பற்றுவோம்.

யானையைக் குறிக்கும் பல சொல் அறிவோம்

மேலும் சில பல சொல் ஒரு பொருள் தரும் சொற்கள்

பல சொல்	ஒரு பொருள்
ஊண், ஆகாரம், அடிசில், உண்டி	உணவு
நாசம், அழிவு, சிதைவு, சேதம்	கேடு
அணிதல், சூடுதல், புனைதல், அலங்கரித்தல்	தரித்தல்
ஓசை, சத்தம், அரவம்	ஒலி
பகலவன், கதிரவன், இரவி, பரிதி, ஆதவன்	சூரியன்
உடம்பு, மேனி, மெய், சரீரம்	உடல்
தூக்கம், துயில், அனந்தல், சயனம்	உறக்கம்
பா, கவிதை, யாப்பு	செய்யுள்
பரி, மா, அசுவம், புரவி, கலிமா	குதிரை
பதம், மொழி, கிளவி	சொல்
மங்கை, நங்கை, வனிதை	பெண்
மாசு, குற்றம், பிழை	தவறு
பாசம், பரிவு, ஈரம், பற்று, கருணை, நேசம்	அன்பு
வனப்பு, பொலிவு, எழில், வடிவு, அணி	அழகு
கோ, கொற்றவன், காவலன், வேந்தன், மன்னன், இராஜா, கோன்	அரசன்
கணை, சரம், பாணம், வாளி, அஸ்திரம்	அம்பு
அல்லல், துயர், இடர், இடும்பை, இன்னல்	துன்பம்
சிங்கம், திருமால், அரிதல்	அரிமா
இன்பம், களிப்பு, ஆனந்தம்	மகிழ்ச்சி
மதி, விவேகம், ஞானம், உணர்வு, மேதை, உரம்	அறிவு