பதினெண் கீழ்க்கணக்கு நூல்கள்

குறைந்த அடிகளை உடைய பாடல்களால் மிகப்பெரும் செய்திகளைக் கூறக்கூடிய 18 நூல்களின் தொகுப்புதான் பதினெண் கீழ்க்கணக்கு நூல்கள் ஆகும். பதினெண் கீழ்க்கணக்கு நூல்கள் என்று மயிலைநாதரும் இன்னும் சில பேராசிரியர்களும் பெயர் சூட்டினார்கள். அறம், பொருள், இன்பம் எனும் மூன்று பெரும் பொருள்களையும் நான்கு அடிகளுக்கு மிகாமல் எடுத்துரைக்கும் இலக்கியங்கள் இவை.

பதினெண் கீழ்க்கணக்கு நூல்களில் பெரும்பான்மையானவை நீதிநூல்கள். மக்களுக்கு ஒழுக்கநெறிகளை அறிவுறுத்துவதற்காக எழுந்ததே நீதி நூல் எனப்படுகிறது. பண்டைக்காலம் தொட்டே தமிழில் பல்வேறு நீதிநூல்கள் எழுந்துள்ளன. சங்ககால நூல்கள் பலவற்றில் நீதிக்கருத்துகள் ஆங்காங்கே பரவிக் காணப்பட்டாலும், நீதி நூல் என்று கூறும் அளவுக்குத் தனியான நூல் எதுவும் கிடைக்கவில்லை. ஆனால், சங்கம் மருவிய காலத்து நூல்களின் தொகுப்பான பதினெண் கீழ்க்கணக்கில் உள்ள 18 நூல்களுள் 11 நீதிநூல்களாகக் காணப்படுகின்றன. இவற்றுள் புகழ்பெற்றதும், பரவலாக அறியப்பட்டதும், வெளிநாட்டு அறிஞர்களின் கவனத்தை ஈர்த்ததுமான நூல் திருக்குறளாகும். இதுவே அதிகமான மொழிகளில் மொழிபெயர்க்கப்பட்ட தமிழ்நூல் ஆகும்.

வினாக்கள்

தகவல் துளி