244. குறிஞ்சி

	விழுந்த மாரிப் பெருந் தண் சாரல்,
	கூதிர்க் கூதளத்து அலரி நாறும்
	மாதர் வண்டின் நயவரும் தீம் குரல்
	மணம் நாறு சிலம்பின் அசுணம் ஓர்க்கும்
5	உயர் மலை நாடற்கு உரைத்தல் ஒன்றோ-
	துயர் மருங்கு அறியா அன்னைக்கு, இந் நோய்
	தணியுமாறு இது' என உரைத்தல் ஒன்றோ-
	செய்யாய்: ஆதலின் கொடியை-தோழி!-
	மணி கெழு நெடு வரை அணி பெற நிவந்த
10	செயலை அம் தளிர் அன்ன, என்
	மதன் இல் மா மெய்ப் பசலையும் கண்டே.	உரை