140. குறிஞ்சி

	கொண்டல் மா மழை குடக்கு ஏர்பு குழைத்த
	சிறு கோல் இணர பெருந் தண் சாந்தம்
	வகை சேர் ஐம்பால் தகை பெற வாரி,
	புலர்விடத்து உதிர்த்த துகள் படு கூழைப்
5	பெருங் கண் ஆயம் உவப்ப, தந்தை
	நெடுந் தேர் வழங்கும் நிலவு மணல் முற்றத்து,
	பந்தொடு பெயரும் பரிவிலாட்டி
	அருளினும், அருளாள் ஆயினும், பெரிது அழிந்து
	பின்னிலை முனியல்மா நெஞ்சே!-என்னதூஉம்
10	அருந் துயர் அவலம் தீர்க்கும்
	மருந்து பிறிது இல்லை, யான் உற்ற நோய்க்கே.	உரை