224. பாலை

	அன்பினர், மன்னும் பெரியர்; அதன்தலை,
	'பின்பனி அமையம் வரும்' என, முன்பனிக்
	கொழுந்து முந்துறீஇக் குரவு அரும்பினவே;
	'புணர்ந்தீர் புணர்மினோ' என்ன, இணர்மிசைச்
5	செங் கண் இருங் குயில் எதிர் குரல் பயிற்றும்
	இன்ப வேனிலும் வந்தன்று; நம்வயின்
	'பிரியலம்' என்று, தெளித்தோர் தேஎத்து,
	இனி எவன் மொழிகோ, யானே-கயன் அறக்
	கண் அழிந்து உலறிய பல் மர நெடு நெறி
10	வில் மூசு கவலை விலங்கிய
	வெம் முனை அருஞ் சுரம் முன்னியோர்க்கே?	உரை