214. பாலை

	'இசையும் இன்பமும் ஈதலும் மூன்றும்
	அசையுநர் இருந்தோர்க்கு அரும் புணர்வு ஈன்ம்' என,
	வினைவயின் பிரிந்த வேறுபடு கொள்கை,
	'அரும்பு அவிழ் அலரிச் சுரும்பு உண் பல் போது
5	அணிய வருதும், நின் மணி இருங் கதுப்பு' என,
	எஞ்சா வஞ்சினம் நெஞ்சு உணக் கூறி,
	மை சூழ் வெற்பின் மலை பல இறந்து,
	செய் பொருட்கு அகன்ற செயிர் தீர் காதலர்
	கேளார்கொல்லோ-தோழி!-தோள
10	இலங்கு வளை நெகிழ்த்த கலங்கு அஞர் எள்ளி
	நகுவது போல, மின்னி
	ஆர்ப்பது போலும் இக் கார்ப் பெயற் குரலே?	உரை