96. நெய்தல்

	'இதுவே, நறு வீ ஞாழல் மா மலர்தாஅய்,
	புன்னை ததைந்த வெண் மணல் ஒரு சிறை,
	புதுவது புணர்ந்த பொழிலே; உதுவே,
	பொம்மற் படு திரை நம்மோடு ஆடி,
5	புறம் தாழ்பு இருளிய பிறங்குகுரல் ஐம்பால்
	துவரினர் அருளிய துறையே; அதுவே,
	கொடுங் கழி நிவந்த நெடுங் கால் நெய்தல்
	அம் பகை நெறித் தழை அணி பெறத் தைஇ,
	தமியர் சென்ற கானல்' என்று ஆங்கு
10	உள்ளுதோறு உள்ளுதோறு உருகி,
	பைஇப் பையப் பசந்தனை பசப்பே.	உரை