59. முல்லை

	உடும்பு கொலீஇ, வரி நுணல் அகழ்ந்து,
	நெடுங் கோட்டுப் புற்றத்து ஈயல் கெண்டி,
	எல்லு முயல் எறிந்த வேட்டுவன் சுவல
	பல் வேறு பண்டத் தொடை மறந்து, இல்லத்து,
5	இரு மடைக் கள்ளின் இன் களி செருக்கும்
	வன் புலக் காட்டு நாட்டதுவே-அன்பு கலந்து
	நம்வயின் புரிந்த கொள்கையொடு, நெஞ்சத்து
	உள்ளினள் உறைவோள் ஊரே; முல்லை
	நுண் முகை அவிழ்ந்த புறவின்
10	பொறை தலை மணந்தன்று; உயவுமார் இனியே.	உரை