331. நெய்தல்

	உவர் விளை உப்பின் உழாஅ உழவர்
	ஒழுகை உமணர் வரு பதம் நோக்கி,
	கானல் இட்ட காவற் குப்பை,
	புலவு மீன் உணங்கல் படு புள் ஓப்பி,
5	மட நோக்கு ஆயமொடு உடன் ஊர்பு ஏறி,
	'எந்தை திமில், இது, நுந்தை திமில்' என
	வளை நீர் வேட்டம் போகிய கிளைஞர்
	திண் திமில் எண்ணும் தண் கடற் சேர்ப்ப!
	இனிதேதெய்ய, எம் முனிவு இல் நல் ஊர்;
10	இனி, வரின் தவறும் இல்லை: எனையதூஉம்
	பிறர் பிறர் அறிதல் யாவது-
	தமர் தமர் அறியாச் சேரியும் உடைத்தே.	உரை