20. மருதம்

	ஐய! குறுமகட் கண்டிகும்: வைகி,
	மகிழ்நன் மார்பில் துஞ்சி, அவிழ் இணர்த்
	தேம் பாய் மராஅம் கமழும் கூந்தல்
	துளங்குஇயல் அசைவர, கலிங்கம் துயல்வர,
5	செறிதொடி தெளிர்ப்ப வீசி, மறுகில்,
	பூப் போல் உண்கண் பெயர்ப்ப நோக்கி,
	சென்றனள்-வாழிய, மடந்தை!-நுண் பல்
	சுணங்கு அணிவுற்ற விளங்கு பூணள்;
	மார்புறு முயக்கிடை ஞெமிர்ந்த சோர் குழை,
10	பழம் பிணி வைகிய தோள் இணைக்
	குழைந்த கோதை, கொடி முயங்கலளே.	உரை