53. குறிஞ்சி

	யான் அஃது அஞ்சினென் கரப்பவும், தான் அஃது
	அறிந்தனள்கொல்லோ? அருளினள்கொல்லோ?
	எவன்கொல், தோழி! அன்னை கண்ணியது?-
	'வான் உற நிவந்த பெரு மலைக் கவாஅன்,
5	ஆர் கலி வானம் தலைஇ, நடு நாள்
	கனை பெயல் பொழிந்தென, கானக் கல் யாற்று
	முளி இலை கழித்தன முகிழ் இணரொடு வரும்
	விருந்தின் தீம் நீர் மருந்தும் ஆகும்;
	தண்ணென உண்டு, கண்ணின் நோக்கி,
10	முனியாது ஆடப் பெறின், இவள்
	பனியும் தீர்குவள், செல்க!' என்றோளே!	உரை