298. பாலை

	வம்ப மாக்கள் வரு திறம் நோக்கி,
	செங் கணை தொடுத்த செயிர் நோக்கு ஆடவர்
	மடி வாய்த் தண்ணுமைத் தழங்கு குரல் கேட்ட
	எருவைச் சேவல் கிளைவயிற் பெயரும்
5	அருஞ் சுரக் கவலை, அஞ்சுவரு நனந்தலைப்
	பெரும் பல் குன்றம் உள்ளியும், மற்று-இவள்
	கரும்புடைப் பணைத் தோள் நோக்கியும், ஒரு திறம்
	பற்றாய்-வாழி, எம் நெஞ்சே!-நல் தார்ப்
	பொற்றேர்ச் செழியன் கூடல் ஆங்கண்,
10	ஒருமை செப்பிய அருமை, வான் முகை
	இரும் போது கமழும் கூந்தல்,
	பெரு மலை தழீஇயும், நோக்கு இயையுமோமற்றே?	உரை