319. நெய்தல்

	ஓதமும் ஒலி ஓவின்றே; ஊதையும்
	தாது உளர் கானல் தவ்வென்றன்றே;
	மணல் மலி மூதூர் அகல் நெடுந் தெருவில்,
	கூகைச் சேவல் குராலோடு ஏறி,
5	ஆர் இருஞ் சதுக்கத்து அஞ்சுவரக் குழறும்,
	அணங்கு கால் கிளரும், மயங்கு இருள் நடு நாள்;
	பாவை அன்ன பலர் ஆய் வனப்பின்,
	தட மென் பணைத் தோள், மடம் மிகு குறுமகள்
	சுணங்கு அணி வன முலை முயங்கல் உள்ளி,
10	மீன் கண் துஞ்சும் பொழுதும்,
	யான் கண் துஞ்சேன்; யாதுகொல் நிலையே?	உரை