68. குறிஞ்சி

	'விளையாடு ஆயமொடு ஓரை ஆடாது,
	இளையோர் இல்லிடத்து இற்செறிந்திருத்தல்
	அறனும் அன்றே; ஆக்கமும் தேய்ம்' என-
	குறு நுரை சுமந்து, நறு மலர் உந்தி,
5	பொங்கி வரு புது நீர் நெஞ்சு உண ஆடுகம்,
	வல்லிதின் வணங்கிச் சொல்லுநர்ப் பெறினே;
	'செல்க' என விடுநள்மன்கொல்லோ? எல் உமிழ்ந்து,
	உரவு உரும் உரறும் அரை இருள் நடு நாள்,
	கொடி நுடங்கு இலங்கின மின்னி,
10	ஆடு மழை இறுத்தன்று, அவர் கோடு உயர் குன்றே.	உரை