306. குறிஞ்சி

	தந்தை வித்திய மென் தினை பைபயச்
	சிறு கிளி கடிதல் பிறக்கு யாவணதோ-
	'குளிர் படு கையள் கொடிச்சி செல்க' என,
	நல்ல இனிய கூறி, மெல்லக்
5	கொயல் தொடங்கினரே கானவர்; கொடுங் குரல்
	சூற் பொறை இறுத்த கோல் தலை இருவி
	விழவு ஒழி வியன் களம் கடுப்பத் தெறுவர,
	பைதல் ஒரு நிலை காண வைகல்
	யாங்கு வருவதுகொல்லோ-தீம் சொல்
10	செறி தோட்டு எல் வளைக் குறுமகள்
	சிறு புனத்து அல்கிய பெரும் புற நிலையே?	உரை