212. பாலை

	பார்வை வேட்டுவன் படு வலை வெரீஇ,
	நெடுங் கால் கணந்துள்அம் புலம்பு கொள் தெள் விளி
	சுரம் செல் கோடியர் கதுமென இசைக்கும்
	நரம்பொடு கொள்ளும் அத்தத்து ஆங்கண்
5	கடுங் குரற் பம்பைக் கத நாய் வடுகர்
	நெடும் பெருங் குன்றம் நீந்தி, நம் வயின்
	வந்தனர்; வாழி-தோழி!-கையதை
	செம் பொன் கழல்தொடி நோக்கி, மா மகன்
	கவவுக் கொள் இன் குரல் கேட்டொறும்,
10	அவவுக் கொள் மனத்தேம் ஆகிய நமக்கே.	உரை