336. குறிஞ்சி

	பிணர்ச் சுவற் பன்றி தோல்முலைப் பிணவொடு
	கணைக் கால் ஏனல் கைம்மிகக் கவர்தலின்,
	கல் அதர் அரும் புழை அல்கி, கானவன்,
	வில்லின் தந்த வெண் கோட்டு ஏற்றை,
5	புனை இருங் கதுப்பின் மனையோள் கெண்டி,
	குடி முறை பகுக்கும் நெடு மலை நாட!
	உரவுச் சின வேழம் உறு புலி பார்க்கும்
	இரவின் அஞ்சாய்; அஞ்சுவல்-அரவின்
	ஈர் அளைப் புற்றம், கார் என முற்றி,
10	இரை தேர் எண்கினம் அகழும்
	வரை சேர் சிறு நெறி வாராதீமே!	உரை