60. மருதம்

	மலை கண்டன்ன நிலை புணர்நிவப்பின்
	பெரு நெற் பல் கூட்டு எருமை உழவ!
	கண்படை பெறாஅது, தண் புலர் விடியல்,
	கருங் கண் வராஅல் பெருந் தடி மிளிர்வையொடு
5	புகர்வை அரிசிப் பொம்மற் பெருஞ் சோறு
	கவர் படு கையை கழும மாந்தி,
	நீர் உறு செறுவின் நாறு முடி அழுத்த, நின்
	நடுநரொடு சேறிஆயின், அவண்
	சாயும் நெய்தலும் ஓம்புமதி; எம்மில்
10	மா இருங் கூந்தல் மடந்தை
	ஆய் வளை கூட்டும் அணியுமார் அவையே.	உரை