152. நெய்தல்

	மடலே காமம் தந்தது; அலரே
	மிடை பூ எருக்கின் அலர் தந்தன்றே;
	இலங்கு கதிர் மழுங்கி, எல் விசும்பு படர,
	புலம்பு தந்தன்றே, புகன்று செய் மண்டிலம்;
5	எல்லாம் தந்ததன்தலையும் பையென
	வடந்தை துவலை தூவ, குடம்பைப்
	பெடை புணர் அன்றில் உயங்கு குரல் அளைஇ,
	கங்குலும் கையறவு தந்தன்று;
	யாங்கு ஆகுவென்கொல்; அளியென் யானே?	உரை

220. குறிஞ்சி

	சிறு மணி தொடர்ந்து, பெருங் கச்சு நிறீஇ,
	குறு முகிழ் எருக்கங் கண்ணி சூடி,
	உண்ணா நல் மாப் பண்ணி, எம்முடன்
	மறுகுடன் திரிதரும் சிறு குறுமாக்கள்,
5	பெரிதும் சான்றோர்மன்ற-விசிபிணி
	முழவுக் கண் புலரா விழவுடை ஆங்கண்,
	'ஊரேம்' என்னும் இப் பேர் ஏமுறுநர்
	தாமே ஒப்புரவு அறியின், 'தேமொழிக்
	கயல் ஏர் உண்கண் குறுமகட்கு
10	அயலோர் ஆகல்' என்று எம்மொடு படலே!	உரை