patikam

 
 



  iraNTAm pattu

manniya perum pukaz, maRu il vAymozi,
in icai muracin, utiyajcEraRku
veLiyan vENmAL n'allini InRa makan
amaivaral aruvi imaiyam vil poRittu,
imiz kaTal vElit tamizakam viLagkat    5
tankOl n'iRIi, takai cAl ciRappoTu
pEr icai marapin Ariyar vaNakki,
n'ayan il van col yavanarp piNittu,
n'ey talaip peytu, kai piR koLIi,
aru vilai n'ankalam vayiramoTu koNTu,  10
peru viRal mUtUrt tan'tu, piRarkku utavi,
amaiyArt tEytta aNagkuTai n'On tAL
imayavarampan n'eTujcEralAtanaik
kumaTTUrkkaNNanAr pATinAr pattup pATTu.

avaitAm: puN umiz kuruti, maram vIgku pal pukaz,   pUtta n'eytal, cAnROr meymmaRai, n'iraiya veLLam, tuyil in pAyal, valam paTu viyan paNai, kUn'tal viRaliyar, vaLan aRu paitiram, aTTu malar mArpan: ivai pATTin patikam.
pATip peRRa paricil: umpaRkATTu ain'n'URu Ur pirama tAyam koTuttu, muppattu eTTu yANTu tennATTuL varuvataniR pAkam koTuttAn ak kO.
imayavarampan n'eTujcEralAtan aimpattu eTTu yANTu vIRRirun'tAn.

 
mUnRAm pattu
imaiyavarampan tampi amaivara
umpaRkATTait tan kOl n'iRIi,
akappA eRin'tu, pakal tI vETTu,
mati uRaz marapin mutiyarait tazIi,
kaN akan vaippin maN vakuttu Ittu,    5
karug kaLiRRu yAnaip puNar n'irai n'ITTi,
iru kaTal n'Irum oru pakal ATi,
ayirai paraii, ARRal cAl munpOTu
oTugkA n'al icai, uyarn'ta kELvi,
n'eTumpAratAyanAr mun'tuRa, kATu pOn'ta   

10
pal yAnaic celkezu kuTTuvanaip
pAlaik kautamanAr pATinAr pattup pATTu.

  avaitAm, aTu n'ey Avuti, kayiRu kuRu mukavai, tatain'ta kAjci, cIr cAl veLLi, kAn uNagku kaTu n'eRi, kATu uRu kaTu n'eRi, toTarn'ta kuvaLai, uruttu varu malir n'iRai, veN kai makaLir, pukanRa Ayam: ivai pATTin patikam.
pATip peRRa paricil: 'n'Ir vENTiyatu koNmin' ena, 'yAnum en pArppaniyum cuvarkkam pukal vENTum' ena, pArppAriR periyOraik kETTu, onpatu peru vELvi vETpikka, pattAm peru vELviyil pArppAnaiyum pArppaniyaiyum kANArAyinAr.
imayavarampan tampi pal yAnaic cel kezu kuTTuvan irupattaiyANTu vIRRirun'tAn.
 

n'AnkAm pattu">n'AnkAm pattu

ArAt tiruvin cEralAtaRku
vELAvik kOmAn
patuman tEvi InRa makan munai
panippap piRan'tu, pal pukaz vaLarttu,
Uzin Akiya uyar peruj ciRappin    5
pUzin'ATTaip paTaiyeTuttut tazIi,
uruL pUg kaTampin peruvAyil n'annanai
n'ilaic ceruvin ARRalai aRuttu, avan
pon paTu vAkai muzumutal taTin'tu,
kurutic cem punal kujcaram Irppa,    10
cerup pala ceytu, cegkaLam vETTu,
tuLagku kuTi tiruttiya vaLam paTu venRik
kaLagkAyk kaNNi n'ArmuTic cEralaik
kAppiyARRuk kAppiyanAr pATinAr pattup pATTu.

  avaitAm: kamaz kural tuzAy, kazai amal kazani, varampu il veLLam, oN poRik kazaR kAl, mey ATu paRan'talai, vAL mayagku kaTun' tAr, valampaTu venRi, paricilar veRukkai, Eval viyan paNai, n'ATu kAN avir cuTar: ivai pATTin patikam.
pATip peRRa paricil: n'ARpatu n'URAyiram pon orugku koTuttut tAn ALvatil pAkam koTuttAn ak kO.
kaLagkAykkaNNi n'ArmuTic cEral irupattaiyANTu vIRRirun'tAn.
 

ain'tAm pattu">ain'tAm pattu

vaTavar uTkum vAn tOy velkoTik
kuTavar kOmAn n'eTujcEralAtaRkuc
cOzan maNakkiLLi InRa makan
kaTavuL pattinik kalkOL vENTi,
kAn n'avil kAnam kaNaiyin pOki,    5
Ariya aNNalai vITTi, pEr icai
in pal aruvik kagkai maNNi
inam teri pal An kanRoTu koNTu;
mARA valvil iTumpil puRattu iRuttu;
uRu puli anna vayavar vIza,     10
ciRu kural n'eytal viyalUr n'URi;
akkarai n'aNNik koTukUr eRin'tu;
pazaiyan kAkkum karuj cinai vEmpin
muzArai muzu mutal tumiyap paNNi,
vAl izai kazitta n'aRum pal peNTir  15
pal irug kUn'tal muraRciyAl
kujcara ozukai pUTTi; ven' tiRal
ArAc ceruvin cOzar kuTikku uriyOr
onpatinmar vIza, vAyil puRattu iRuttu;
n'ilaic ceruvin ARRalai aRuttu,    20
keTal arun' tAnaiyoTu
kaTal piRakku OTTiya cegkuTTuvanai,
karaNam amain'ta kAcu aRu ceyyuL
paraNar pATinAr pattup pATTu.

  avaitAm: cuTar vI vEgkai, tacumpu tuLagku irukkai, ERA ENi, n'Oy tapu n'On toTai, Un tuvai aTicil, karai vAyp paruti, n'al n'utal viRaliyar, pEr ezil vAzkkai, cegkai maRavar, veruvaru punal tAr: ivai pATTin patikam.
pATip peRRa paricil: umpaR kATTu vAriyaiyum, tanmakan kuTTuvan cEralaiyum, koTuttAn ak kO.
kaTal piRakku OTTiya cegkuTTuvan aimpattaiyANTu vIRRirun'tAn.

 

ARAm pattu


kuTakkO n'eTujcEralAtaRku vEeL

Avik kOmAn tEvi InRa makan

taNTAraNiyattuk kOTpaTTa varuTaiyait

toNTiyuL tan'tu koTuppittu, pArppArkkuk

kapilaiyoTu kuTan'ATTu Or Ur Ittu,   

5

vAnavarampan enap pEr initu viLakki,

Enai mazavaraic ceruvil curukki,

mannarai OTTi,

kuzavi koLvArin kuTi puRan'tan'tu,

n'ATal cAnRa n'ayanuTai n'ejcin    

10

ATu kOTpATTuc cEralAtanai

yAtta ceyyuL aTagkiya koLkaik

kAkkaipATiniyAr n'acceLLaiyAr

pATinAr pattup pATTu.


  avaitAm: vaTu aTu n'uN ayir, ciRu ceg kuvaLai, kuNTu kaN akazi, n'illAt tAnai, tujcum pan'tar, vEn'tu meymmaRan'ta vAzcci, cil vaLai viRali, E viLagku taTak kai, mA kUr tigkaL, maram paTu tIm kani: ivai pATTin patikam.

pATip peRRa paricil: 'kalan aNika' enRu, avarkku onpatu kAp ponnum, n'URAyiram kANamum koTuttut tan pakkattuk koNTAn ak kO.

ATu kOTpATTuc cEralAtan muppatteTTu yANTu vIRRirun'tAn.

 

EzAm pattu

maTiyA uLLamoTu mARROrp piNitta
n'eTu n'uN kELvi an'tuvaRku oru tan'tai
InRa makaL, poRaiyan perun'tEvi, InRa makan,
n'ATu pati paTuttu, n'aNNAr OTTi,
veruvaru tAnai koTu cerup pala kaTan'tu,
Ettal cAnRa iTanuTai vELvi
Akkiya pozutin aRattuRai pOki,
mAya vaNNanai manan uRap peRRu, avaRku
Ottira n'ellin okan'tUr Ittu,
purOcu mayakki,
mallal uLLamoTu mAcu aRa viLagkiya
celvak kaTugkO vAziyAtanaik
kapilar pATinAr pattup pATTu.

  avaitAm: pulAam pAcaRai, varaipOl ijci, aruvi Ampal, uraicAl vELvi, n'AL makiz irukkai, putal cUz paRavai, veN pOzk kaNNi, Ema vAzkkai, maN kezu jAlam, paRaik kural aruvi: ivai pATTin patikam.
pATip peRRa paricil: ciRupuRam ena n'URAyiram kANam koTuttu, 'n'anRA' ennum kunRu ERi n'inRu, tan kaNNiR kaNTa n'ATu ellAm kATTik koTuttAn ak kO.
celvak kaTugkO vAziyAtan irupattaiyANTu vIRRirun'tAn.

 

eTTAm pattu


poy il celvak kaTugkOvukku

vELAvik kOmAn patuman tEvi InRa makan,

kollik kURRattu n'Ir kUr mImicai,

pal vEl tAnai atikamAnOTu

iru peru vEn'taraiyum uTann'ilai venRu,   

5

muracum kuTaiyum kalanum koNTu,

uraicAl ciRappin aTukaLam vETTu,

tukaL tIr makaLir iragka, tuppu aRuttu,

takaTUr eRin'tu, n'occi tan'tu eytiya

arun' tiRal oL icaip perujcEral irumpoRaiyai

10

maRu il vAymozi aricil kizAr

pATinAr pattup pATTu.


  avaitAm: kuRun' tAL jAyil, uruttu ezu veLLam, n'iRam tikaz pAcizai, n'alam peRu tirumaNi, tIm cERRu yANar, mA citaRu irukkai, venRu ATu tuNagkai, piRaza n'Okku iyavar, n'iRam paTu kuruti, puNNuTai eRuzt tOL. ivai pATTin patikam

pATip peRRa paricil: tAnum kOyilALum puRam pOn'tu n'inRu,'kOyil uLLa ellAm koNmin' enRu, kANam onpatu n'URAyirattOTu aracukaTTil koTuppa, avar, 'yAn irappa, itanai ALka!' enRu amaiccup pUNTAr.

takaTUr eRin'ta perujcEral irumpoRai patinEz yANTu vIRRirun'tAn.

 

onpatAm pattu


kuTTuvan irumpoRaikku maiyUr kizAan

vENmAL an'tuvajceLLai InRa makan,

veru varu tAnaiyoTu veytuRacceytu cenRu,

iru peru vEn'tarum vicciyum vIza,

aru miLaik kallakattu ain'tu eyil eRin'tu,    

5

potti ANTa peruj cOzanaiyum,

vittai ANTa iLam pazaiyan mARanaiyum,

vaitta vajcinam vAyppa venRu,

vajci mUtUrt tan'tu, piRarkku utavi,

man'tira marapin teyvam pENi,     

10

mey Ur amaicciyal maiyUr kizAnaip

purai aRu kELvip purOcu mayakki,

arun' tiRal marapin peruj catukku amarn'ta

ven' tiRal pUtarait tan'tu, ivaN n'iRIi,

Ayn'ta marapin cAn'ti vETTu,     

15

man uyir kAtta maRu il cegkOl

in icai muracin iLajcEral irumpoRaiyaip

perugkunRUrkizAr pATinAr pattup pATTu.


  avaitAm: n'izal viTu kaTTi, vinai n'avil yAnai, pal tOl tozuti, tozil n'avil yAnai, n'ATu kAN n'eTu varai, ven' tiRal taTakkai, veN talaic cem punal, kal kAl kavaNai, tuvarAk kUn'tal, vali kezu taTak kai. ivai pATTin patikam.

pATip peRRa paricil: 'maruL illArkku maruLak koTukka' enRu, uvakaiyin muppattIrAyiram kANam koTuttu, avar aRiyAmai Urum manaiyum vaLam mikap paTaittu, Erum inpamum iyalvarap parappi, eNNaRku AkA arugkala veRukkaiyoTu, pannURAyiram pARpaTa vakuttu, kAppu maRam tAn viTTAn ak kO

kuTakkO iLajcEral irumpoRai patinARANTu vIRRirun'tAn.