(இ - ள்.) மூன்றொடு நான்கு ஒன்பது ஆம் உயிர்பின் உயிர் முந்தின் நடு ஆன்ற யகாரம் வந்து ஆகமமாகும் -¹ இகர ஈகார ஐகார உயிரீற்று நிலைமொழிப் பதத்தின் பின்னர், வருமொழி உயிர்முதலாகிய மொழி வந்து புணர்ந்தால், இடையே யகாரவொற்று வந்து ஆகமமாம்; அல்லா உயிருக்கு ஏன்ற வகாரம் - ²இவையல்லாத மற்ற உயிரீற்று நிலைமொழிப் பதத்தின் பின்னர் வருமொழி உயிர் முதலாகிய மொழி வந்து புணர்ந்தால் இடையே வகரவொற்று வந்து ஆகமமாம்; எட்டு ஏற்கும் இரண்டும் - ³ஏகாரவீற்று நிலை மொழிப் பதத்தின் பின்னர் வருமொழி உயிர் முதலாகிய மொழி வந்து புணர்ந்தால் யகார வகாரவொற்றுக்கள் இரண்டும் வந்து ஆகமமாம்; இறுதி கெட்டு தோன்றும் நிலையும் ஒரோவிடத்து ஆம் என்பர் -⁴ஒரோவிடத்து நிலைமொழியினது ஈற்றின் நின்ற பதமாதல்,

மரூஉ மொழிகளை உதாரணமாகக் காட்டுதலுமாகாது; அவை சந்தி காரியம் பண்ணப்படுவன அல்லவாகலின் என்க.