361. பிடி வென்றி

வ - று. குவளை நெடுந்தடங்கட் கூரெயிற்றுச்செவ்வாய்
அவளொடு மாமை யொப்பான் - இவளொடு
பாணியுந் தூக்கு நடையும் பெயராமைப்
பேணிப் பெயர்ந்தாள் பிடி.

(இ - ள்.) செங்கழுநீர்மலரை யொத்த நெடியபெரிய கண்ணினையும் கூரிய எயிற்றினையும் சிவந்த வாயினையுமுடைய சீதேவியுடன் நிறமொத்த இவளோடு தாளமும் இசையும் செலவும் தப்பாதபடி பரிகரித்துப் பிடிபோல அசைந்து பெயர்ந்து ஆடுங் கூத்தை ஆடினாள் எ-று.

இனிப் பெயர்த்தாளென்றுபாடமோதிப் பிடியை நடத்தினாளென் பாருமுளர்.

(19)

ஒழிபு முற்றும்.

ஆகப்பட்டு 361.
(சூத்திரம் 19.)