முகம்போலவென்ற ஏனையுவமம் மேல்வருகின்ற கருப்பொருட்குச் சிறப்புக்கொடுத்துநின்றது. "சிறுபூளை செம்பஞ்சு வெண்பஞ்சு சேண, (1) முறு ¹தூவி தாமிவையோ ரைந்து." (2) துணையைப் புணர்ந்த காலத்து மெய்யுருகி உதிர்ந்த தூவிதானும் மிக மெல்லிதாயிருக்குமென்பது உணர்தற்குத் துணை புணரன்னமென்றார். பாலைச் சிறிதென்னாது (3) சிலவென்றல் ²மரூஉ.

தாமரை வண்டு நுகர்வதற்குப்பயன்கொடாது வடுத்தீண்ட ³அலருமென்பதனால் நின் தலைவி நீ நுகர்ந்த செவ்விபெறாமற் ⁴சேக்கை யிடத்தே இருந்து பால் உண்ணாத புதல்வன் பால் உணப் பெற்றதற்கு அவனை முத்தங் கொண்டு மகிழ்ந்திருக்குமாறுபோல (4) ஆற்றியிருக்குந்தன்மை எமக்கின்றெனக் ⁵காமக் கிழத்தி உள்ளுறையுவமங்கூறினாள்.

1. "உறுதூவி சேக்கையோ ரைந்து" நெடுநல். 131. 3 - உரை. சீவக. 838. உரை.

2. பறவைகள் போகத்தால் அவசமாகி மெய்யுருகுமென்பதை, "அருந்தளிர் நயந்து நல்கி யலகுட னலகு சேரப்பொருந்துமுன் னவசமாகிப் போகமென் குயிலும் பேடு, மிருந்துமெய் யுருகுங் காவில்" என்பதும் வலியுறுத்தும். வில்லி. சம்பவச்சருக்கம். 96. இந்நூற் பக்கம் 432 : 1 - ஆம் குறிப்பும் பார்க்க.

3. இந்நூற் பக்கம் 73 : 4 - ஆம் குறிப்புப்பார்க்க.

4. (அ) "அகலநீ துறத்தலி னழுதோவா வுண்கணெம், புதல்வனை மெய் தீண்டப் பொருந்துத லியைபவால்" (கலி. 70. 11 - 12) என்பதும், (ஆ) "ஊடி யவரை யுணராமை வாடிய, வள்ளி முதலரிந் தற்று" (குறள். 1304)
என்பதன் விசேட வுரையில் பரிமேலழகர் "நீர் பரத்தையரிடத்திராயவழி எம்புதல்வரைக்கண்டு ஆற்றியிருக்கற்பாலமாய யாம் நும்மோடு ஊடுதற் குரியமல்லம்; அன்மையின், எம்மை யுணர்த்தல் வேண்டா; உரியராயூடிய பரத்தையரையே உணர்த்தல் வேண்டுவது; அதனால் ஆண்டுச்சென்மி னென்பதாம்." என்று எழுதியிருப்பதும் இங்கே அறிதற்பாலன.

5. பாணன் முதலியோர் வாயிலாயதற்கு, "கண்ணிநீ...............துகளினை" என்னும் பகுதிகள் மேற்கோள்; தொல். கற்பி. சூ. 6. நச்.

(பிரதிபேதம்) ¹தூவி சையையோ ரைந்து, ²மரு மிகுதியையுடைய ..................... தாமரை வண்டு, ³அலரும் என்பதிதன்கருத்து இதனால் நின்தலைவி, ⁴செங்கையிடத்தே, ⁵காமக்கிழத்தியு முள்ளுறை.