(1) இதுவுமது. இதற்கும் (2) அவ்வுரை கூறிக்கொள்க.

இதன் பொருள்

எ - து: நன்றாகிய நுதலினையுடையாய்! இவளொருத்தி (5) தனக்குரிய நாணினைக் கைவிட்டுத் ¹தன் மனத்தே ஒன்றை நினைத்து நெட்டுயிர்ப்புக் கொண்டு வீழ்கின்ற கண்ணீரைத் துடைத்துப் பிறரை நோக்காது நிலத்தைக் கவிழ்ந்து நோக்கித் தன்னை நீ உற்றது என்னென்பார்க்குக் கனவின்கண் வாய்வெருவிக் கூறுவாரைப்போலே உத்தரமல்லாதன சில சொல்லிப் பலகாலும் நகுதலைச் செய்யும்; இங்ஙனந் தெளிவும் மயக்கமுமாய் மயங்கி வேறும் அத்தன்மையவாகிய இடும்பைகள் பலவற்றையுந் தன்னிடத்தே உண்டாகக் கொண்டு வருகின்றவள் என்ன துன்பமுற்றாளோதான்? இவளைக் 

1. இச்செய்யுளும் தேறுதலொழித்த காமத்து ‘மிகுதிறமாகிய பெருந்திணைக்கு மேற்கோள்; தொல். அகத். சூ. 13. நச்.

2. இந்நூற்பக்கம் 885-886. பார்க்க.

3. ‘‘இஃதொத்தி’’ கலி. 143 : 8; ‘‘இஃதொத்தன்’’ (கலி. 64 : 8) என்பதும் அதன் குறிப்பும் பார்க்க.

4. இந்நூற்பக்கம் 288 : 3-ஆம் குறிப்புப் பார்க்க.

5. ‘‘சிறந்ததன் னாணும்’’ (கலி. 145 : 10.) என்பதும் அதன் குறிப்பும் பார்க்க.

(பிரதிபேதம்)¹தான் மனத்தே.