எ - து: ஏடீ! நீ நல் ⁴வாயிலினின்றும் போதலைச்செய்த காலத்தின் கண்ணே தெய்வங்களையுடையதாகிய மிகுதிகளையுடைய கோயில்கடோறும் இவனை வலஞ்செய்வித்து வாவென்று யான் கூறச் சென்ற நீ யான் கூறிய கூற்றினைத் தப்பினாய்; இனி மாவினுடைய உயர்ந்த கொம்புகளினின்றமிக்க காற்றால் அசைக்கும் நறிய (5) வடுக்கள் காம்பு முறிந்தனபோலே பால் மிகக் குதிக்கையினாலே அதனைமறைத்து ⁵யான் அங்கையால் அமுக்கித் தேய்க்கவும் அந்தக் கையினெல்லையில் நில்லாவாய் விம்மிச் சுரந்த என்னுடைய மெல்லிய முலையிற் பால் பிள்ளை உண்ணாமற் பாழேபோம்படி அருளில்லாத இவன் தந்தையுடைய பரத்தையர்களுள் யாருடைய இல்லிலே தங்கினாய்; சொல்லென்றாள். எ - று.

1. உறு என்னு முரிச்சொல் மிகுதியென்னும் பண்புணர்த்தி வருதற்கு இவ்வடி மேற்கோள். நன். உரி, சூ. 15. மயிலை; விருத்தி.இரா.

2. "நறுவடிமாவின்" (கலி. 41 : 14)என்பதும் அதன் குறிப்பும்பார்க்க.

3. "அரக்க நில்லா கண்ண நீர்கள்" நாலாயிர. நாச்சியார். 3 : 4.

4. (அ) "எம்முலை, பாலொடுவீங்கத் தவநெடிதாயினை, புத்தேளிர்கோட்டம் வலஞ்செய் திவனொடு, புக்க வழியெல்லாங் கூறு" (ஆ) "சென்றா, யுளைவிலை, யூட்டலென் றீம்பால் பெருகு மளவெல்லா, நீட்டித்த காரணமென்" கலி. 82 : 1 - 5. 83 : 4-6.

5. "முனித்தலைக் கண்ணி நெற்றிச் சிறார்முலை முழாலிற் பில்கிப்,புனிற்றுப்பால் பிலிற்றித் தேமா வடுவிறுத் தாங்குப் பாய,நுனித்துக் கண் ணரக்கி நோக்கா தொசிந்துநின் றார்க ளன்றே,கனிப் பொறை மலிந்து நின்ற கற்பகப் பூங்கொம் பொத்தார்"சீவக. 2541.

(பிரதிபேதம்)¹ யான்காக்கவும், ²முலைபால் பழுதாக, ³போழ்தினான், ⁴வாசலிலே நின்றும், ⁵யாங்கையால்.