எ - து: கள்ளை உண்ணல் ஆகாதென்று நீக்கின ²தேவர்க்கும் அதனை உண்டலை நீக்காத அசுரர்க்கும் (3) வரைதலும் வரையாமையுமாகிய அவ்விரண்டினையுங் கைக்கொண்டு அறத்தொழிலாக இன்பமுறுத்தும் வியாழமும் வெள்ளியுமாகிய ³குரு இருவருஞ் செய்த வழி வேறாகிய தொழில்களையுடைய

1. (அ) மழைதொழி லுதவ மாதிரங் கொழுக்க......................நல்லூழி யடிப் படரப், பல்வெள்ள மீக்கூற, வுலக மாண்ட வுயர்ந்தோர் மருக" மது. 10 - 23. (ஆ) "உரவிப் பெருங்கலித் துன்பங்கள் போய்முத லூழி யின்பம்,
வரவிப்படிதன்னை வாழ்வித்தவாணன்" தஞ்சை. 286. என்பவை "நல்லூழி......................யானையாய்" என்பதனோடு ஒப்புநோக்கற்பாலன.

2. (அ) "இழையணிந் தியல்வருங் கொடிஞ்சி நெடுந்தேர்" குறுந். 345. (ஆ) "இழையணி நெடுந்தேர்"
(இ) "இழைகிளர் நெடுந்தேர்" புறம். 123 : 4. 359 : 15.

3. வியாழமும் வெள்ளியுஞ் செய்த அரசியனூல்கள் முறையே பாருகற் பத்திய சூத்திரமென்றும் சுக்கிரநீதியென்றும் பெயர்பெறும்; கள்ளுண்டல் பல நூல்களிலும் விலக்கப்பட்டுள்ள தென்பது உலகமறிந்த தொன்று; பிறவற்றாற் றீராப் பிணிதீர வேண்டி, நறவைத்தா னுண்டாற்கு நற்றீர் - வுறவைத்தான், பண்டுபொன்னோன் றத்த பராகசாந் தாயணப் பேர், கொண்ட கிருச்சிரங்கள் கொண்டு இதனால் வியாழத் துக்கும் கொள்கை அதுவாதல் புலனாகும். சுக்கிரநீதியில் அளவு கடவாத மத்தியபானம் பிரதிபையையும் புத்தித்தெளிவையும் தைரியத்தையும் சித்தநிச்சயத்தையும் உண்டாக்குமென்று கூறப்பெற்றிருக்கிறது; வேறு விளக்கமாக அந்நூலிற் கண்டாலும் உசனஸ்மிருதியிற் கண்டாலும் பின்பு அச்செய்தி குறிக்கப்பெறும்; யாக்கிய வற்கியர் மத்தியபான சுராபான நிஷேதம் அந்தணர்க்கே யென்றும் அரசர் முதலியோர்க்கன்றென்றும் மக்கட்பிரிவுக்கு வகுத்துக் கூறியுள்ளார். அஷ்டாங்க ஹ்ருதயம் சிகித்ஸாஸ்தானம் ஏழாவது அத்தியாயத்தில் நறவின் சிறப்பும் அதன் வகையின் பெயர்களும் பயனும் மற்றும் பலவும் விரித்துரைக்கப்பட்டிருத்தல் இங்கே அறியத்தக்கது.

(பிரதிபேதம்)¹வருந்தநின், ²தேவர்களுக்கும், ³அந்தணரிருவரும்.