எ - து: அங்ஙனங்கூறி, அவன் அன்பிலனாதலை அறியாதே அவனோடே புணர்ந்து தன் அழகினையும் நாணினையும் உள்ளத்தினையும் இவள் இழந்தாள் என்னுந் தகுதிப்பாட்டினை யுடையீர்போலே இருந்தீர்; அவன் அன்பிலனல்லன்; அஃதென்னையெனில், அவன் ¹இந்த உடம்பினின்று போகின்ற உயிர்க்கு உறுதியாம்படி, சிவந்தநிறத்தினையும் புள்ளிகளையுமுடைய தேருருள் போன்ற ஆண்பால் அலவன் பெண்பால் அலவனோடே நிகழ்த்து கின்ற பல மாட்சிமைகளையும் யான் நின்னிடத்தே நிகழ்த்தும்படி நின்னெஞ் சாலே நினைந்து அவை நிகழ்த்துகின்றவற்றையும் அவ்விடத்தே பாராய் என்றான்; அதனால், அவனன்புடைமை யறிந்தே யான் அவனோடு (1) ²நக்கது; அக்காலத்தே என்னாணும் என்னலமும் என்னுள்ளமும் புணர்ச்சியான் மிகுதி யைப் பெற்றன; அவை அவன் நீங்கிய அப்பொழுதே அவனிடத்தே நின்று விட்டன; ³ஆதலாற்றான் நோயும் மிகவுறும்; அவற்றை இகந்த தன்மையுடை யேனல்லேனென்று கூறினாள், எ - று.

எ - து: அங்ஙனங் கூறி என்னைப்போல ஓர் எல்லைகாணாத காமநோயிலே மூழ்காதவனை உயர்ச்சி கெடும்படி அவன் பிரிந்து நாண்முதலிய வற்றைத் தாராத கொடுமையை நாடி அவன் வந்த ⁶காலத்தன்றே நீ இவை பெறுவது என்று கூறுகின்றவர்களே! யான் நிரைத்த கதிர்களையுடைய ஞாயிற்றை நோக்கித் திரையைத் தருகின்ற கடல்சூழ்ந்த உலகமெல்லாந் தேடி அவனைக் கொண்டு வா என்றுஞ் சொல்லிவிட்டேன்; அதுவேயன்றி யானும் அவன்

1. நக்கது - புணர்ந்தது; இச்சொல் இப்பொருளில் வருதல் (அ) “அவர் நக்கதன் பயனே” நக்குநலனுமிழந்தாள்” (கலி. 137 : 7; 146 : 18) என்பவற்றினுரையாலும் துணியலாகும்.

2. “ஆங்கெதிர் நோக்குவன் ஞாயிறே யெங்கேள்வன், யாங்குள னாயினுங் காட்டீமோ” கலி. 147 : 27 - 28.

3. (அ) “தெண்கடல் வளாகம்” புறம். 189 : 1; (ஆ) “கொங்கை முன்றிற் குங்கும வளாகத்து” சிலப். 8 : 21; 
(இ) “நாமநீர் வரைப்பினானில வளாகமும்” சிதம்பர மும்மணிக். 1: 2.

(பிரதிபேதம்) 1 உடம்பினின்றும் போகின்ற, 2 நக்கயக்காலத்தே, ³ஆதலாலதனோவும், ⁴என்னிலகலான், ⁵முன்னீர்வளாகமெல்லா, ⁶காலத்ததன்றோ