அம்மையார் இறைவன்பால் அமர்தல்

கலி விருத்தம்

     தூய கூந்தலையுடைய உமையம்மையார்தம் அழகிய திருமேனியில்
சார்தலினால் பேரழகுமிகும் அணிந்த அழகினை தான் நோக்குந் தோறும்
வண்டின் குழாம் முரலும் மலரில் உறையும் திருமகள் இக்கோலம் யான்
புனைந்த கோலமோ? என் றையங் கொண்டனள்.

     விண்ணுலக மகளிர் பலரும் வேலையொக்கும் கண்களைக் கவர்கின்ற
பேரழகைக் காணுந்தோறும் பெருங் களிப்பினராய்ப் புண்ணிய மங்கலப்
பல்லாண்டுகளை விரும்பிக் கூறி வாழ்த்தினர்.

     வானவர் எங்கும் மலரை மழையாகப் பொழியவும், மங்கல
வாழ்த்தொலிகள் பல்கவும் அம்மையார் தேன் மணக்கும் செந்தாமரை
யவள் தன் மலரை ஒக்கும் கரத்தைப் பற்றி எழுந்து போந்தனர்.

     ஒளி உமிழும் மணிகள் பதித்த குடையையும், கொடிகளையும்,
மொய்யொளிக் கவரிகளையும், சிவிறி முதலியவற்றையும் குளிர்ச்சியும்
செருக்கும் உடைய கண்ணுடைய தேவமகளிர் ஏந்தி விரும்பத் தக்க
முறையில் பணிபுரிந்து உடன் போதவும்,