1-6. ஆலவட்டம் ஏய்ப்ப - மூந்நீர்க் குடரென - இவை மெய்பற்றிவந்த
உவமை அணி; சுரிமுக....காட்டும் - இவை உருவக அணி. கயம் - ஆழமுடைய;
முதுகு தெருவுபட - நீர்ப்பரப்பே தெருவுபோல வழிதர; முதுகு - முதுகுபோன்றதை
முதுகென்றதுபசாரம். திமில் - மீன் வலைஞரின் படகு; தடவுதல் - கைத்துடுப்பினால்
துழாவிச் செலுத்துதல்; நெய்ம்மீன் - கொழுப்புடையமீன்; (Cod Liver Oil - Shark
Liver Oil முதலிய பண்டங்கள் காண்க.) கைம்மிகுத்து - கைவினைமிகக் காட்டி.
எறிஒளி நுளையர் - என்றது மீன்கள் எளிதிற்றாமே வந்து அகப்படுதற்காகப் பரதவர்
இரவில் படகேறித் தீப்பந்தங் கொளுவிக் கடலிற் சேறலுடைமையினைக் குறித்தது.
நுளையர் - செம்படவர், நெய்தல் நிலமக்கள்; நெய் - கொழுப்புச் சத்து
மிகுதியுடைமை.
|
ஆலவட்டம் ஏய்ப்ப - மேலே வலையை விரித்து வீசுதல் ஆலவட்டம் வீசுதல்
போன்றிருந்தது என்பது. முந்நீர்க் குடரென - கடலுள் வீசியலையை அதனுள்
அகப்பட்ட மீன் முதலியவற்றுடன் மெல்ல மேலே இழுத்தல் கடலின் குடரினை
வாங்குதல்போல இருந்தது என்பது. கடல் முதுகு - குடர் - ஏகதேசவுருவகம்.
கொள்ளைகொண்ட - ஒருவனது பொருளை உரிமையில்லாத மற்றொருவன் வலிந்து
கொள்ளைகொண்டதுபோல என்பது குறிப்பு. கொள்ளை - கொள் - பகுதி.
|
7-8. சங்கு - பவளம் - நித்திலத்தொகுதி - இவை கடல்படு பொருள்கள்;
மீன் பிடிக்கும் வலையினுள் மீன்களோடு இவையும் அகப்பட்டுவரும். நுளையர்
வலைவீசிப் படுக்கக்ருதிய பண்டம் மீன்கள். ஆனால் சங்கு முதலிய இவை அவர்கள்
கருதாமலே வலையுள்ளே அகப்பட்டுவந்தன. வலிய அவர்க்குப் பயன்படுவன என்பதும்
கொள்ளை என்றதன் குறிப்பு. சுரி முகம் - உட்சுழிகளையுடைய முகம்.
|
9. சங்கும் பவளமும் முத்துக்களும் முறையே மாலை நிலவும் செக்கர்ப்பொழுதும்
விண்மீன் உருவும் எனக்காணப்படுவன என்க. சங்கு கடைந்து உருவாக்கப்படாமுன்
கடலுணின்றும் எடுக்கப்படும்போது மங்கிய வெண்மை நிறமே காட்டுவன ஆதலின்
கதிரவன் ஒளி மங்கிய மாலை என்றார். விரிகதிர் - மேல் இரவு முற்றமுற்ற விரியும்
கதிரினை உடைய என்பது. மாலைமதியம் முதலில் ஒளிமங்கிக் காண்பதியல்பு. “புன்
முறுவ லென்ன முகிழ்த்தது வெண்ணிலா” (306) என்றும், பின்னர் “நீற்றின் பேரொளி
போன்றது நீணிலா” (308) என்றும் கூறியவை இங்குக் கருதற்பாலன.
|
தாரகை உரு - விண்மீன்களின் ஒளி; விரிகதிர் நிலவும், செக்கரும், தாரகையும்
ஒருங்கே மாலையிற் காண்பன; ஆதலின் வலையினுள்பட்டு ஒருங்கே வந்து துறையில்
கிடக்கும் சங்கு முதலியவற்றை உருவகிக்க உதவின. விண்ணிலுள்ள இவற்றை மண்ணில்
காட்டின என்றது உயர்வு நவிற்சி. இவை மூன்றும் மாலைப் பொழுது காட்டலின்
கைக்கிளைத் திணைக்கும், தலைவி வருந்தற்றுறைக்கும் உரிய காலமும் ஏற்பக்
கூறியதாயிற்று.
|
10. உலவாக்காட்சி - இவை என்றும் அளவு பட்டுஒழித லில்லாத நிலை
கூறியபடி.
|
12. கண்ணுறக்கண்டது - கண்ணினுள்ளே பொருந்த; சவிகற்பக் காட்சி; காண்டல்
- துறை. நுளையன் மீன்கவரப் படகிற் கடலின்மீது போய் வலைவிரித்து வீசுகின்றான்;
அது ஆலவட்டம் போல இருந்தது. வீசிய வலையினை மீன்படுத்துமேல்
இழுக்கின்றான்; அது கடலின் குடரினை வாங்குதல் போன்றது. அவ்வலையினுள்ளே
மீன்களுடனே, சங்கு - பவளம் - முத்து இவையும் அகப்பட்டு வந்து துறையிற்
சிதறுண்டு கிடக்கின்றன; இவை மாலை மதியமும், செக்கரும், |