வகை: கம்பக் கரிக்கும்.....நாதற்கு - தம்முட் பகைபூண் டொழுகிய நடுக்கம்
விளைக்கும் யானைக்கும் சிலந்திக்கும் ஒருங்கே அருள் நல்கிய
நுதற்கண்ணையுடையவராகிய தேவர்களுக்கு இறைவராம் சிவபெருமானுக்கு;
ஒளி...உடலிலனாய் - ஒளிதரும் திருவிளக்கேற்றுவதற்கு வேண்டும் பொருள்
இல்லாதவராய்; கும்ப....உழன்றும் - குடத்தில் எண்ணெய் கொண்டு விற்றும், செக்கு
ஒட்டிப் பணிபுரிந்தும்; கொள் கூலியினால் - பெற்ற கூலியினாலே; நம்பர்க்கு எரித்த
கலி - இறைவருக்குத் திருவிளக்கு எரித்த கலியர் என்பவர்; ஒற்றி மாநகர்ச் சக்கிரியே
- திருவொற்றியூரில் வாழும் செக்காரக் குலத்தினராவர்.
 

     கம்பக்...நல்கிய - தம்முள் மாறுபட்ட யானைக்கும் சிலந்திக்கும் ஒருங்கே பேறு
அருள் புரிந்தவர்; கோங்செங்கட் சோழர் புராணம் பார்க்க. கண்ணுதலாகிய நம்பற்கு
- என்க. உடல் - பொருள் என்ற கருத்தில் வந்தது. உயிர் இயங்குதற்கு உடல்
கருவியாதல் போலக், குறித்த அறம் புரிவதற்குப் பொருள் கருவியாகும் என்பது.
 

     கும்பத் தயிலம் விற்றும் - செக்குழன்றும் - பிறர்பால் குடத்தில் எண்ணெய்
மாறிக் கொண்டுபோய் விற்றுவந்தும்; செக்கு ஆட்டும் களத்தில் பணிபுரிந்தும்; எரித்த
- விளக்கு எரித்த; விளக்கு என்பது அவாய் நிலையான் வந்தது; முன்
விளக்கேற்றற்கு என்றதனைத் தொடர்ந்து விளக்கு எரித்த என்க. கலி - கலியர்; கலி
- சக்கிரியே என்று கூட்டுக. பெயர்ப் பயனிலை. சக்கிரி - செக்கார வாணிப
வினைஞர்க்கு வழங்கும் மரபுப் பெயர்.
 

1