திருவெண்காட்டுப் புராணம்

இருகுடங்கொண் டொருகுடத்தில் வெண்பொடி பெண்

கொடியாக வெழுவித் தோனைத்

திருவருளாற் பாலருந்தி யேடதனை

யாற்றிலிட்ட தெய்வக் கோனை

அருமறையின் தலைக்கொழுந்தை ஆகமத்தின்

தனிமுதலை அடியார் வாழ்வைப்

பரசமய கோளரியைக் கௌணியர்சூ

ளாமணியைப் பகருவோமே.

- சைவ எல்லப்ப நாவலர்.

திருவாவடுதுறைப் புராணம்

பரசமயர் வயிறெரியத் தமிழ்ப்பதிகம்

தீயிலிட்டுப் பசுமை யாக்கிக்

கரவுடைய பொய்ச்சமணர் கழுவேறப்

பாசுரம்வை கையின்மீ தேற்றிப்

புரவலன்கூ னிமிர்த்தினிய தமிழ்நாட்டைச்

சோணாடு போலச் செய்த

சிரபுரக்கோன் சிற்றடிப்பொற் றாமரைப்போ(து)

எப்போதும் சிரமேற் கொள்வாம்.

- சாமிநாத முனிவர்.