செல்வர் வாழ்தில்லைச் சிற்றம்
பலமேய
செல்வன் கழலேத்துஞ் செல்வஞ்
செல்வமே. 5
869. வருமாந் தளிர்மேனி மாதோர்
பாகமாந்
திருமாந் தில்லையுட் சிற்றம்
பலமேய
கருமா னுரியாடைக் கறைசேர்
கண்டத்தெம்
பெருமான் கழலல்லாற் பேணா துள்ளமே.
6
870. அலையார் புனல்சூடி யாகத்
தொருபாகம்
மலையான் மகளோடு மகிழ்ந்தா
னுலகேத்தச்
சிலையா லெயிலெய்தான் சிற்றம்
பலந்தன்னைத்
தலையால் வணங்குவார் தலையா
னார்களே. 7
____________________________________________________
களும் உயர்ந்து விளங்கிவருவதும்,
ஞானச் செல்வர்கள் பலர் வாழ்வதுமாகிய
தில்லையிலுள்ள சிற்றம்பலத்தில்
எழுந்தருளியுள்ள, வீடுபேறாகிய செல்வத்திற்குரிய
பெருமான் திருவடிகளை வாழ்த்தும் செல்வமே,
ஒருவருக்குச் செல்வமாம்.
கு-ரை:
சிற்றம்பலத்தெழுந்தருளியிருக்கின்ற செல்வன்
கழலை ஏத்தும் இன்பமே இன்பம் என்கின்றது. சேண் -
ஆகாயம்.
6. பொ-ரை: புதிதாக
மரத்தின்கண் இருந்து வெளிவரும் மாந்தளிர்
போன்ற மேனியளாகிய உமையம்மையை ஒரு பாகமாகக்
கொண்டு, திருமகள் விளங்கும் தில்லை மாநகருள்
சிற்றம்பலத்தின் கண் எழுந்தருளியவரும், யானைத்
தோலை உரித்து ஆடையாகப் போர்த்தவரும் நீலமணி
போன்ற கண்டத்தை உடையவருமாகிய எம் பெருமான்
திருவடிகளை அல்லது என் உள்ளம் வேறொன்றையுமே
விரும்பாது.
கு-ரை: சிற்றம்பலத்து
எழுந்தருளியுள்ள பெருமான் திருவடியல்லது என்னுள்ளம்
வேறொன்றையும் பேணாது என்கின்றது.
திருமாந்தில்லை - திருமகளோடு கூடிய பெரிய தில்லை.
7. பொ-ரை: அலைகள் வீசும் கங்கை
நதியை முடியிற்சூடித் தன் திருமேனியில் ஒருபாகமாக
மலையரையன் மகளாகிய பார்வதி தேவியோடு
மகிழ்ந்திருப்பவனும் உலகம் போற்ற
மேருமலையாகிய வில்லால் முப்புரங்களை எய்து
அழித்தவனும் ஆகிய சிற்றம்பலத்துப்
|