1882.
|
ஊத்தை
வாய்ச்சமண் கையர்கள் சாக்கியர்க் கென்றும்
ஆத்த மாக வறிவரி தாயவன் கோயில்
வாய்த்த மாளிகை சூழ்தரு வண்புகார் மாடே
பூத்த வாவிகள் சூழ்ந்து பொலிந்தசாய்க் காடே. 10
|
1883.
|
ஏனை
யோர்புகழ்ந் தேத்திய வெந்தைசாய்க் காட்டை
ஞான சம்பந்தன் காழியர் கோனவில் பத்தும்
ஊன மின்றி யுரைசெய வல்லவர் தாம்போய்
வான நாடினி தாள்வரிம் மானிலத் தோரே. 11
|
திருச்சிற்றம்பலம்
கு-ரை:
வேலை-கடல். நேர்-ஒத்த. செருந்தி. கனகம் (-பொன்)
போலப்- பூப்பது. ஆறு சாமத்திலும் பூக்கும் வெவ்வேறு இனங்களுள்
காலையிற் பூப்பது செருந்தி, ‘நாண்மலர்’ (நாள்-காலை) என்னும் தொல்
வழக்குணர்க. ‘அல்லி’ அல்லிற்பூப்பது பற்றிய காரணப்பெயர்.
10.
பொ-ரை: அழுக்கேறிய வாயினை உடைய சமணர்களாகிய கீழ்
மக்களுக்கும் சாக்கியர்களுக்கும் எக்காலத்தும் அன்புடையனாதலின்றி
அறிதற்கும் அரிதாயிருப்பவனது கோயில், ஏற்புடைய மாளிகைகள் சூழ்ந்த
புகார் நகரின் அருகே பூத்துள்ள மலர் வாவிகள் சூழ்ந்து பொலியும்
சரய்க்காடாகும்.
கு-ரை:
ஆத்தம்-ஆப்தம், உண்மை. அறிவு அரிது ஆயவன்-
அறிவதற்கு அரிய உண்மைப் பொருளாயுள்ளவன். புகார்க்கு அருகில்
சாய்க்காடு இருத்தல் கூறப்பட்டதறிக. புகார்க்கு மாளிகையும் காட்டுக்கு
வாவிகளும் விசேடம். புகாஆறு என்றதன் மரூஉவே புகார் என்பது. இதன்
முதற்பாட்டில் ‘பொன்னி சாகரம் மேவு’ என்றதற்கு எழுதிய குறிப்பைக்
காண்க.
11.
பொ-ரை:
சமண பௌத்தர்கள் அன்றி ஏனையோர் புகழ்ந்து
ஏத்தும் எம்தந்தையாகிய இறைவர் விளங்கும் சாய்க்காட்டை, காழியர்
கோனாகிய ஞானசம்பந்தன் போற்றிப் பாடிய இப்பதிகப்பாடல்கள்
பத்தையும் குற்றமற்றவகையில் உரைசெய்து வழிபட வல்ல இம்மாநிலத்தோர்
வான நாடு சென்று இனிதாக அரசாளுவர்.
|