பதிக வரலாறு;

      திருவதிகை வீரட்டத்தை வழி பட்ட திருஞானசம்பந்தப் பெருமானார்
திருவாமாத்தூர் அணைந்து பாடியவற்றுள் இத்திருப்பதிகமும் ஒன்று.

பண்: சீகாமரம்

திருச்சிற்றம்பலம்

     1. பொ-ரை: தைத்தல் அமைந்த கோவணத்தை உடையாகவும்,
யானைத் தோலைமேல் ஆடையாகவும் கொண்டு பின்னிய சடைமீது
இளம்பிறையைச் சூடி, அன்னங்கள் வாழும் குளிர்ந்த சோலைகளைக்
கொண்டுள்ள திருஆமாத்தூரில் விளங்கும் இறைவனின் பொன் போன்ற
அழகிய திருவடிகளைப் பரவாதவர் பொலிவு பொலிவாகுமா?

     கு-ரை: துன்னம்-தைத்தல். பெய்-செறிந்த, இட்ட பெய் கோவணம்;
வினைத்தொகை. பின்-பின்னிய. அம்-அழகிய. பொக்கம்-பொலிவு.
பொலிவும் ஒரு பொலிவோ? பொலிவு அன்று என்க. பா.5,9,10, பார்க்க.

     2. பொ-ரை: யானைத் தோலைப் போர்த்துள்ள காபாலியும்,
வானுலகில் திரிந்து இடம் விளைத்த முப்புரங்களை எய்தழித்தவனும்,