கங்கை சிரிக்கும் தலைமாலை ஆகியன மிளிர்கின்ற விரிசடைமேல்
பிள்ளைமதியையும் புனைந்துள்ளவரும் ஆகிய பெருமான் பெரும்புலியூரில்
பிரியாது உறைகின்றார்.

     கு-ரை: கள்ள மதித்த கபாலம் - கள்ளத்தைக் கருதிய பிரமனது
கபாலம். முதல் வினை சினைமேல் ஏற்றப்பட்டது. அதைக் கையில் ஏந்தித்
துள்ள மிதித்து நின்று ஆடும் தொழிலுடையவர் என்று சிவபெருமான்
நடனமாடுங்காலத்துக் கபாலத்தைத் தாங்கியிருந்த உண்மை கூறப்பட்டது.
எழில்மிகு செல்வர் - சென்று அடையாமையாகிய அழகுமிக்க செல்வத்தை
உடையவர். வெள்ளம் - கங்கை. நகுதலை மாலை - சிரிக்கின்ற தலைகளின்
வரிசை. பிள்ளைமதி - இளம்பிறை.