4. பொ-ரை: நாம் கருதும் ஊர் வெங்குரு முதலாக சிரபுரம்
உள்ளிட்ட பன்னிரு திருப்பெயர்களை உடையதும், கங்கையணிந்த
சடைமுடியினை உடைய சிவபிரான் எழுந்தருளியதும் ஆகிய கழுமலமாகும்.

     கு-ரை: தண் - குளிர்ந்ததாகிய. வெள்ளம் கொள்ளத் தொங்கிய
தோணிபுரம் என்றதால், தோணி தொங்குதல் உணர்த்தப்பட்டது. தொகு -
கூடிய. தொல் - பழைய. பொழில் - சோலை. தலைபண்டு ஆண்டமூதூர் -
சிரபுரம். ஏற்றான் - ஏற்ற சிவபிரான்.

     5. பொ-ரை: நாம் புகழும் ஊர், கடல்மேல் மிதந்த தோணிபுரம்
முதலாகச் சிரபுரம் உள்ளிட்ட பன்னிரு பெயர்களைக்கொண்டதும், நல்ல
பொன் போன்ற சடையினை உடையான் எழுந்தருளியதுமான பொலிவுடைய
கழுமலமாகும்.

     கு-ரை: தொல் நீர் - பழைய பிரளய வெள்ளம். துயர் - பிறவித்துயர்
(பிறதுயர்கள் இதனுள் அடக்கம்). இன்நீர் - இனிய நீரினை