திருச்சிற்றம்பலம்

     கு-ரை: பொழில் (சோலை), மரச்செறிவால் கதிரொலி புகப்பெறாது,
இருண்டு கிடக்கும் நிலைபற்றிக் கறுப்பு நிறம் உரித்தாயிற்று. நிழல்
என்பதற்கு ஒளி என்பது பொருளாதலின், பொழிலின் நிழல் காரொளியுடையதாதல் வேண்டும். அவ்வாறின்றி, உட்புக இயலாமல்,
தாவரச்செறிவு கறுத்த நிழலைச் செய்திருக்கின்றது என்றவாறு. மாந்தராகிய
வல்லார்க்கு அவர் தம் வினைபோய்ப் பறையும். அதற்கு ஐயம் இல்லை.
பறைதல்-அழிதல். வினை பறைவதில் வல்லார்க்கும் ஐயம் இல்லை
எனலுமாம். மொழிவதும் வன்மையுறுவதும் ஒன்றாகா. இத்திருப்பதிகத்துள்,
திருவருளைக் கூடவேண்டின் சிவநாமங்களை எடுத்தோதியும் அவன் சீரும்
செல்வமும் சொல்லிப் போற்றியும், உருகிப்பரவி நைந்தும், பேணிப் பணிகள்
செய்தும் வழிபடுவது இன்றியமையாதது என்பது உணர்த்தப்பட்டது.