2855.	புந்தி யான்மிக நல்லவர் பூந்தராய்
	அந்தம் இல்எம் அடிகளை ஞானசம்      பந்தன் மாலைகொண் டேத்தி வாழும்நும்      பந்த மார்வினை பாறி டுமே. 11

வீற்றிருக்கும் கடவுள், திருப்பூந்தராய்த் தலத்தைக் கோயிலாகக் கொண்டு
தனது கையில் மான்கன்றை ஏந்தியுள்ள சிவபெருமானே ஆவான்.

     கு-ரை: பொருத்தம் இல் சமண் சாக்கியப் பொய்கடிந்து - அளவை
நூலுக்குப் பொருத்தமில்லாத சமணநூலும் சாக்கியநூலும் சொல்லும்பொருளை
நீக்கி. இமையோர் தொழ இருத்தல் செய்த பிரான் - இமையோர் தொழ
இருந்தபிரான். கைமான்மறி ஏந்தும் எம் இறை - அவனே கையில்
மான்மறியேந்தும் எம் இறை. கைஏந்தும் மான் மறி எந்தை - இலாத வெண்
கோவணத்தான் என்பதுபோல நின்றது.

     11. பொ-ரை: உள்ளத்தால் மிக நல்ல சிவனடியார்கள் வாழ்கின்ற
திருப்பூந்தராய் என்னும் தலத்தில் எழுந்தருளியுள்ள, என்றும் அழிதலில்லாத
எம் தலைவனான சிவபெருமானைத் திருஞானசம்பந்தன் அருளிச் செய்த
இப்பதிகப் பாமாலையைக் கொண்டு போற்றி வாழுங்கள். உங்களைப்
பந்தித்து நின்ற வினைகள் யாவும் நீங்கும்.

     கு-ரை: எம் அடிகளை ஞானசம்பந்தன் மாலைகொண்டேத்தி
வாழுங்கள். அதனால் ஒளிபுக்க இடத்தில் இருள் தானாக நீங்குதல் போல
நம்மைப் பந்தித்து நின்ற பழவினைகள் மாறிவிடும். அந்தம்இல் அடிகள் -
முடிவில்லாத எம்கடவுள்.