திருக்கயிலாய பரம்பரைத் தருமை ஆதீனம்
26 ஆவது குருமகாசந்நிதானம்

ஸ்ரீலஸ்ரீ சண்முக தேசிக ஞானசம்பந்த
பரமாசாரிய சுவாமிகள் வழங்கியருளிய

ஆசியுரை

நால்வர் வாழ்வு காட்டும் உண்மை:

பரமன் பாலைக்கொடுத்து ஞானசம்பந்தரை ஆட்கொண்டார். “போதையார் பொற்கிண்ணத்து அடிசில் பொல்லாதெனத், தாதையார் முனிவுறத் தான் எனை ஆண்டவன்” என்பது ஞானசம்பந்தர் அகச்சான்று

சூலைகொடுத்து நாவுக்கரசரை ஆட்கொண்டார்.“சூலை தீர்த்து அடியேனை ஆட்கொண்டாரே” என்பது நாவரசர் நற்சான்று.

ஓலை கொடுத்துச் சுந்தரரை ஆட்கொண்டார் "அன்று வந்தெனை அகலிடத்தவர் முன் ஆளதாக என்று ஆவணம் காட்டி"