கடைக்கணித்தல் வேண்டும்’ என்பது குறிப்பெச்சம். இதனுள்
முன்னைத் திருப்பாட்டில் ‘அன்று பன்றிப்பின் ஏகிய’ என்னும்
பொருளைத் தொடர்ந்து, ‘அன்று அருக்கனைப் பல் இறுத்து, என்று
வந்த பொருள் அளவே அந்தாதிபோலும் ! 288. ஏயுமாறு-பொருந்தும் வகையில். ‘சேதிபர்கோன் தில்லை
நாயனாரை ‘ஏயுமாறு உரைசெய்தன’ எனக் கூட்டுக.
சேதிபர்-சேதிநாட்டவர். சேதியர்’ எனப் பாடங்கொள்ளுதல் சிறக்கும்.
கோன்-அரசன். ‘‘சேதிபர் கோன்’’ என்றதனால் ‘சேதிராயர்’ என்னும்
பெயர்க் காரணம் விளங்கும். நயந்து-விரும்பி. உரைசெய்தன-பாடிய
பாடல்கள். தூயவாறு-எழுத்துப்பிழை முதலியன இல்லாதவாறு.
‘‘துறக்கம்’’ என்றது இங்கு. ‘உடலைத் துறந்து சென்று
அடையப்படுவது’ எனக் காரணப்பெயராய்ச் சிவலோகத்தைக் குறித்தது.
ஆய இன்பம்-அடையத் தக்கதாய இன்பம்; சிவானந்தம். ஏனை
இன்பங்கள் அன்னதாகாமை அறிக. இத்திருப்பாடலின் ஈற்றடி
ஈற்றயற்சீர் வேறுபட்டு வந்தது. |