(உரை)
கைகோள் : கற்பு. தோழி கூற்று

துறை: ஊடல் தணிவித்தல்.

     (இ - ம்.) இதற்கு "பெறற்கரும் பெரும்பொருள்" (தொல். கற்பி. 9) எனவரும் நூற்பாவின்கண் 'உணர்த்தல் வேண்டிய கிழவோன் பால் நின்று தான் வெகுண்டு ஆக்கிய தகுதிக் கண்ணும்' எனவரும் விதி கொள்க.

15 - 18: கறங்கு . . . . . . . . . . . . . தரளமும்

     (இ-ள்) கறங்கு இசை அருவி அறைந்து நிமிர் திவலையும்-முழங்காநின்ற ஓசையினையுடைய அருவி வீழ்தலாலே எழுாநின்ற துளிகளும்; துருத்திவாய் அதுக்கிய குங்குமக் காண்டமும் - நீர்வீசும் துருத்தி என்னும் கருவியின் வாயை அழுத்துவதனாலே சிதறுகின்ற குங்குமங் கலந்த நீரும்; குறமகார் கொழிக்கும் கழை நித்திலமும் - குறவர் மக்கள் விளையாட்டின்கண் கொழிக்கின்ற மூங்கில் முத்துக்களும்; நெடுநிலை அரங்கில் பரிபெறு தரளமும் - நெடிய மேனிலை மாடத்தின்கண் அமைந்த கூத்தாட்டரங்கின்கண் மாலைகள் அறுந்து சிந்துகின்ற முத்துக்களும் என்க.

     (வி-ம்.) கறங்குதல் - முழங்குதல், அறைந்து - அறைய, திவலை - துளி, துருத்தி - நீர்வீசுங் கருவி. காண்டம் - நீர், மகார் - குழந்தைகள் - கழை - மூங்கில், நித்திலம் - முத்து. அரங்கு - ஆடலரங்கு, பரிதல், அறுதல், தரளம் - முத்து.

19 - 24: புனம் . . . . . . . . . . அன்றிலும்

     (இ-ள்) புனம்பட எறிந்த கார் அகில் தூமமும் - காடு கொடும்படி வெட்டி வீழ்த்திய கரிய அகில் மரத்தின்கண் தீக்கொளுவுதலாலே ஏழுந்த புகையும்; அந்தணர் பெருக்கிய செந்தீ புகையும்-மறையோரால் வளர்க்கப்பட்ட சிவந்த வேள்வித் தீயின் புகையும்; வேங்கையின் தாதுடன் விரும்பிய சுரும்பும்-