1978. அரசரு மமச்சருந் திமஸ்கி னாதிபர்

     பரிகரி வீரரும் படைக்கு ழாங்களுந்

     தெரிவையின் றொகுதியுஞ் சிறந்த நந்நபிக்

     குரிமையி னொடுங்கலி மாவை யோதினார்.

5

      (இ-ள்) அன்றியும், அங்கு வந்திருந்த அரசர்களும், மந்திரிமாரும், திமஸ்கு நகரத்தினது மன்னவரான ஹபீபென்பவரின் குதிரை வீரர்களும், யானை வீரர்களும், மற்றும் படைக் கூட்டங்களும், பெண்களின் தொகுதியும், சிறப்புத் தங்கிய நமது நாயகம் நபிமுகம்மது சல்லல்லாகு அலைகிவசல்ல மவர்களுக்கு உரிமையோடுங் கலிமாவை யோதினார்கள்.

1979. ஈனமொன் றில்லதோ ரிறைவ னாகிய

     தானவன் றனையுளத் திருத்தித் தக்கதோர்

     வானவர் புகழ்முகம் மதுவை வாழ்த்திநற்

     றேனெனுங் கடற்பெருந் தீனி லாயினார்.

6

      (இ-ள்) அவ்வித மோதி யாதொரு குற்றமுமில்லாத ஒப்பற்ற இறைவனாகிய அல்லாகு சுபுகானகுவத்த ஆலாவின் நினைப்பை மனதின்கண் இருக்கும்படி செய்து தகுதி பொருந்திய இணையற்ற தேவர்களான மலாயிக்கத்துமார்கள் புகழா நிற்கும் நபிமுகம்மது சல்லல்லாகு அலைகிவசல்ல மவர்களைத் துதித்து நன்மை தங்கிய தேனென்னும் கடலாகிய பெரிய தீனுல் இஸ்லாத்திலானார்கள்.

1980. மறைமுறை யொடுந்தின வணக்க நீங்கிலா

     திறைவனைத் தொழுதிசு லாமி னேர்வழி

     குறைவறப் படித்தருங் குபிரை நீக்கியே

     முறைதவ றாப்பெரு முசிலி மாயினார்.

7