குந்தர் க்ராஸ்
உருமாற்றம்

திடீரென்று செர்ரீக்கள் இருந்தன அங்கே
ஏதோ செர்ரீக்கள் இருப்பதை
நான் மறந்து
அங்கீகரிக்கப்படும் நிமித்தமாய்; அங்கு செர்ரீக்கள்
இல்லாமலே இருந்ததாக -
அவை அங்கிருந்தன. திடீரென்று அன்புடன்

ப்ளம்கள் என்மேல் விழுந்து தாக்கின;
எனினும் நான் மாறிவிட்டேனென்று
எவரெவர் நினைத்தாலும்
ஏனெனில் ஏதோ விழுந்து என்னைத் தாக்கி
ப்ளம்களால் அது என்றும் தாக்கப்படாத ஒன்றாக

என் காலணிகளில் அவர்கள்
           கொட்டைகளை நிறைத்தபோது மட்டும்
நான் நடக்க வேண்டியிருந்தது
காரணம் குழந்தைகளுக்குப் பருப்பு வேண்டியிருந்தது
நான் கதறினேன் - செர்ரீக்களுக்காய்
           வேண்டினேன் ப்ளம்கள்
எனைத் தாக்க மாறினேன் ஒரு சிறிது.